Drummle mit Barbara Krippendorf

Workshop 2007 im Birschereck
(Bürgereck, Neustadt a.d. Weinstrasse)

Moi Gedischt dezu

Aus'm Birschereck kummt ä Rastafraa
mit nem Ledderrock bis on die Waad,
äm schääne Rock, bunt unn mit Zippel.
Dozu trocht se Ledderstiwwel.
Mer fallt bloß änns zu dem Outfit öi:
"Des muß die Drummellehrerin soi".

Schunn bringt se ä Drummel noch de onner ins Haus.
Isch guck mer alles oh vunn drauß.
Donn macht sä Teelischter oh, es werd gemietlisch.
Moi Skepsis verzieht sisch,
mer unnerhalten uns gut.
Nooch unn nooch kummen onnere Lait dezu.

Des Drummle geht los, Krach werd gemacht.
Die Fraa zeischt uns was, mer machens nooch.
Mer singen ach mol unn donzen ä bissel
unn wern aus'm graue Alltach gerisse.
Die Backe wern rot, die Aache hell,
des Lewe werd leischt in de Drummelwelt.

Noch annerthalb Stunne is alles vorbei.
Mer gehn widder hähm, was is schunn debei?
Negscht Woch kummen mer widder ins Birschereck naus
unn drummeln do drauß,
singe, donze unn lache,
um ä bissel mehr Spass am Lewe zu hawwe.

Iwwer Barbara

Bei dem Trommelworshop haw isch Barbara des erschte Mol getroffe.
Die Fraa is net aus de Palz, awwer sie wohnt schunn long do. Dofier bin isch ä eschdi pälzer Plonz unn hab ach alles wie Fotos, Website, Filmscher selwer gemacht, bloß net denn Raab gonz links. Unn den Workshop haw isch ach so long der gegonge is, mitgemacht.

Den Drummelworkshop im Birschereck gebts schunn long nimmi, weil sisch Leit iwwer de Krach beschwert hänn.

Barbara heeßt ach "dancing raven woman" (Tonzendi Raawefraa). Den Nome hot se vunn nem Indioner gekriescht, also äm Native American. Ihr Website heeßt genauso: dancing-raven-woman.de (dort gebts bloß Hochdeitsch). Bei de neie Termine is ach monschmol än Drummel Workshop debei.

Ä onneri Website vunn er is Andando (ach uff Hochdeitsch). Do gehts um Schtrossekinner aus'm Senegal/Afrika. Ä bissel was dezu gebts ach bei mer unner Senegal (schunn widder uff Hochdeitsch).

Trommeln

Änn klänne Oidruck